Владимир Туфегџиќ, судијата кој го натера Чомовски да ги исклучи светлата во „А1“ телевизија, а да го испрати Велија на робија денес на ФБ и честиташе на ќерка си за „успешното“ бутање во Собрание
Ивана Туфегџиќ, дел од шарените протести и гласноговорник на Студентскиот пленум, една од оние кои тепаа полицајци, напаѓаа новинари, врескаа пред камери, забрнуваа новинарск прашања, вршеа поделби на „подобни и неподобни“ медиуми, по долга и „мачна“ битка и мало туркање од тато, конечно влезе во Собрание.
Владимир Туфегџиќ своевремено беше предводник на процесот во кој беше затворена А1 телевизија, од каде што стотина вработени останаа на улица, меѓу кои и голем број од денешните опозициски гласноговорници како Борјан Јовановски, Чомовски, Билјана Секуловска, Сашка Цветковска и редица други.
Неколку години подоцна, ќерката на тој што ги избркал од работа, застанува на страната на опозицијата и ги брани опозициските ставови, а нејзиниот татко, затварач на опозициски медиуми се трансформира во критичар на власта. Дотолку повеќе, пред релативно краток период ЗНМ во кој членуваат сите опозициски новинари, ги поздравуваше одлуките со кои Туфегџиќ беше сменуван од позициите за да не може да постапува по предмети во кои беше обвинет новинарот Томислав Кежаровски. Претходно Туфегџиќ од опозицијата беше критикуван за „режимски“ судија.
Токму поради ваквиот избор на кандидати за пратеници кои се најдоа на листите на СДСМ, двоецот Заев-Шеќеринска беа цел на остри критики токму од оние кои беа избркани од телевизијата на Велија Рамковски.
