- Тргнавме во потрага по вакцини, да набавиме најбезбедни вакцини за граѓаните на најбрз можен начин, прво да ги намалиме, а потоа целосно да ги запреме катастрофалните ефекти на короната врз животот на луѓето во Србија и нашата економија – пишува на профилот на Вучиќ.
Ова беше проследено со смртна закана која пристигна од корисник на Твитер кој се претстави како „Ливингман“.
„Ќе ти е*ам мајката, тебе лично, сите ќе висите на бандерите, кога – тогаш“, напиша твитерџијата.
Александар Вулин, министер за внатрешни работи и лидер на социјалистичкото движење, осврнувајќи се на заканата кон претседателот на Србија, повтори дека тој е за укинување на анонимноста на социјалните мрежи.
Тој во изјавата наведе дека Вучиќ е навикнат да му се закануваат и да не реагира на „непотпишана омраза“, но дека, како што вели, судството треба да реагира.