На 11-ти декември да го употребиме најсилното оружје, најсилното оружје е пенкалото и да им ја решиме судбината, каде им е местото, а местото им е во историјата а ние да продолжиме да ја градиме Република Македонија, рече лидерот на ГРОМ Стевче Јакимовски на митингот на „Коалицијата за подобра Македонија“ во Струга.
-Главната работа што сакам да ви кажам е дека зошто ние сме заедно со ВМРО-ДПМНЕ и со останатите коалициони партнери, затоа што општиот, националниот интерес не учи кога тој е национален интерес е загрозен да правиме сојузи, затоа ние одлучивме да правиме сојуз со ВМРО-ДПМНЕ, со најпатријотската партија одлучивме да се здружиме затоа што се загрозени националните интереси, затоа што Република Македонија е нападната и од внатре и од надвор и кога треба да бираме што треба да одбереме, нормално кога треба да бираме држава си ја одбираме Македонија и ние одлучивме да застанеме на страната на сите оние кои што сакаат да го бранат суверенитетот и територијалниот интегритет на Република Македонија и да покажеме дека ние, оваа генерација на политичари, на граѓани на Република Македонија ќе го исполниме милениумскиот сон, а тоа е да имаме своја држава и да имаме раководители кои ќе ја водат Република Македонија токму избрани од нејзините граѓани и Македонија да биде дом на сите граѓани, без разлика на верска и национална припадност, рече во своето обраќање пред стружани, лидерот на ГРОМ, Стевче Јакимовски.
