Новоизбраниот претседател на САД, Доналд Трамп во интервју за „60 минути“ на CBS изјави дека нема да зема претседателска плата додека трае неговиот мандат
-Мислам дека по закон морам да земам 1 долар, така да мојата плата како претседател ќе биде 1 долар, одговори Трамп на прашањето на новинарката.
Додаде и дека не знаел колава плата зема претседателот, а кога му било кажано дека сумата изнесува 400.000 долари, онолку колку што земал Обама, тој рекол:
-Нема да ја земам таа сума.
А подвлекол и дека нема да зема премногу одмори.
-Има толку многу за да се направи. Сакам што е можно побрзо да се решат проблемите. Ќе ги намалиме таксите и ќе се погрижиме за подобар здравствен систем, вели Трамп.