Режимот во Подгорица не бара помош од руските хуманитарци во Ниш, бидејќи повеќе гледаат за политичките поени на меѓународен план отколку за интересите и животот на граѓаните и народот.
Црногорските надлежни служби и доброволците веќе неколку дена водат битка со серијата пожари кои ги зафатија повеќето приморски општини како и главниот град Подгорица.
Ситуацијата е посебно драматична на подрачјето на Бока и полуостровот Луштиц, каде што борбата со огнената стихија практично се води за спасување на секоја куќа поединечно, а во текот на ноќта пожарникарите и мештаните едвај успеале да го спасат манастирот Св. Архангел Гаврил.
И покрај напорите на народот, пожарникарите и војската, на виделина излегува фактот дека , за жал Црна Гора моментално ја нема ни приближно потребната кадровска и техничка опременост за да се справи со вонредна состојба од сериозен карактер.
Помош од други странски држави е побарана, но до сега од неа нема ништо, па целата тежина на сотојбата останува на грбот на домашните сили.
Посебно е впечатливо отсуството на било каква помош од страна на НАТО партнерите, ако се има предвид дека аргументот за помош од страна на алијансата во слични состојби до вчера во Црна Гора е користен како еден од клучните во кампањата за вовлекување на земјата во тој воен сојуз.
И покрај овие факти, црногорското раководство овој пат ја заобиколува можноста да се обрати до рускиот центар за вонредни состојби во Ниш, кој пред две години испрати веднаш два авиона за гасење пожар кога во Црна Гора имаше слична состојба.
– Од влегувањето во НАТО се променија приоритетите, така да сега прашањето е зошто не го викнат НАТО з апомош, или зошто НАТО не ни помогне? Цело време не убедуваа кога требаше да се турне земјата во НАТО без волја на граѓаните, дека тоа не е ништо страшно, дека НАТО ќе ни помага, посебно во елементарни непогоди, па и пожари, а еве како што гледате од тоа нема ништо- изјавува политичкиот аналитичар Драган Росандиќ.