Новоизбрана конгресменка на САД ѝ се претстави на нацијата велејќи дека демократите ќе му поднесат импичмент на „шупакот Доналд Трамп“.
Congresswoman @RashidaTlaib tells cheering crowd that Trump impeachment coming
“We’re going to go in and impeach the motherfucker” pic.twitter.com/oQJYqR78IA
— Jon Levine (@LevineJonathan) January 4, 2019
Рашида Тлеиб во четвртокот попладне говореше на настан во Мичиген кога го кажа ова за претседателот.
Споменувајќи разговор со својот син, таа рече: „Кога вашиот син ќе ве погледне и ќе ви каже: ‘Мамо, гледај, ти победи, насилниците не победуваат’, јас реков, ‘Не победуваат, душо’, затоа што ние ќе влеземе и ќе го отповикаме шупакот…“
Тлеиб беше избрана за претставник на Мичиген од 13-тиот конгресен округ.
Нејзиниот коментар беше снимен на видео и е масовно споделуван на социјалните медиуми.
Ова не е првпат Тлеиб да повика на импичмент на Трамп, меѓу другото и со напис напишан во весник од Детроит, исто така во четвртокот.
„Претседателот Доналд Трамп е директна и сериозна закана за нашата земја“, напиша таа.
„На речиси секојдневна база тој го напаѓа нашиот Устав, нашата демократија, владеењето на правото и луѓето што се во оваа земја. Секој изминат ден им носи поголема болка на луѓето што се директно повредени од овој претседател, а тоа се денови што едноставно не можеме да си ги вратиме. Сега е време за постапка за отповикување“, заклучува таа во колумната.
Тлеиб се смета за еден од групата прогресивни нови пратеници избрани во Конгресот. Заедно со Ихан Омар таа е една од првите две американски муслиманки во Конгресот во историјата.
Конгресот беше повторно отворен во четвртокот, додека владата во САД сè уште е блокирана.
Ова е прв пат во американската историја блокадата на владата да се одолжи од крајот на еден конгресен состав до почетокот на наредниот.
Демократката Ненси Пелоси беше избрана за претседател.
