„360 Степени“ ги провери ефектите од владината мерка „Мој ДДВ“ со која 15 отсто од данокот на скенираните фискални сметки треба да им се врати на граѓаните. Емисијата истражуваше на терен, а ги анализираше и бројките од првите два месеци од стартот на мерката – јули и август.
Иако е собран најмногу ДДВ споредено со истиот период во 2018 и 2017, досегашното темпо на скенирање сметки не ветува ни доближување, а не пак остварување на првичните проекции дека назад кај граѓаните би завршиле 50 милиони евра на годишно ниво. Сумата за враќање од првите 2 месеца е само 2 милиони евра.
Исто така, иако бројот на пријави од граѓаните за неиздавање фискални драстично се зголемил, што се најавуваше како еден од ефектите од мерката, бројот на контроли од УЈП се намалил.
