Преку 80.000 граѓани, вечерва се собраа на големиот сенароден митинг на коалицијата „За подобра Македонија“ на чело со ВМРО-ДПМНЕ. Поддршка за ВМРО-ДПМНЕ и Македонија дадоа и Министерот за надворешни работи на Австрија Себастијан Курц, и европратеникот Тобијас Зек
Потпретседателот на ЕПП во ПССЕ, Тобијас Зек во својот говор на големиот сенароден митинг на владејачката коалиција „За подобра Македонија“ предводена од ВМРО-ДПМНЕ, рече дека ВМРО е партија за пример. Зек рече дека Програмата на ВМРО-ДПМНЕ не е обична програма, тоа е програма за иднината на Македонија. Ако се определите за Никола Груевски и оваа партија, се определувате за иднината во НАТО и ЕУ, рече Зек.
Многу ви благодарам за денешната покана. Особено ме радува што можам во својство на вашата сестринска партија да бидам вечерва ваш гостин. Особено сме среќни што е Македонија на добар пат кон Европската Унија. Ние сме многу среќни што Македонија е многу важен партнер за нас во Австрија, истакна австрискиот министер за надворешни работи Себастијан Курц, кој присуствува на вечерашниот голем митинг на ВМРО-ДПМНЕ и Коалицијата „За подобра Македонија“.
