Денес како координатор на Клубот за младински прашања и политики во рамки на Собранието на Република Македонија остварив средба со амбасадорот и шеф на Делегацијата на ЕУ, Н.Е. Дејвид Гир.
На средбата се осврнав на работата и составот на клубот, неговите надлежности, приоритети и активности кои се планираат во периодот што следи. Го информирав соговорникот и за вклученоста на младите во процесите на носење одлуки и важноста на Законот за младинско учество и младински политики и неговата имплементација, напиша Јован Јаулески.
-Младите се приоритет и заеднички разменивме ставови и размислувања во однос на идната соработка помеѓу Клубот за младински прашања и политики и Делегацијата на ЕУ и се заклучивме дека соработката и во иднина треба да се продлабочува, посебно во делот на размена на искуства и имплементирање практики од Европскиот парламент и размислувања во насока на донесување квалитетни закони кои се во интерес на сите млади, вели Јаулески и додава:
„Ги изразив моите лични впечатоци за начинот на кој се носат законите во Собранието на РМ и потребата од донесувања закони кои што се во интерес на сите млади во Македонија и креирањето младински политики. Исто така, информирав дека приоритет на клубот во наредниот период ќе биде надзорот на имплементацијата над Законот за младинско учество и младински политики“.
