Во текот на денот ќе сончево и топло со засилен, а особено во западните делови и до силен јужен ветер.Кон крајот на денот и во вечерните часови облачноста ќе се зголеми, во западните и северните делови ќе има локални врнежи од дожд, проследени со грмежи. Минималните температури ќе се движат од 2 до 9, а максималните од 18 до 24 степени.
Во Скопје во текот на денот ќе биде сончево и топло со засилен до силен југоисточен ветер. Во вечерните, а особено во ноќните часови ќе има локални врнежи од дожд со грмежи. Температурите ќе се движат од 4 до 23 степени.
Утре преку денот ќе се задржи претежно сончево и топло време со засилен, а особено во западните делови до силен јужен ветер (над 80 км/ч). Кон крајот на денот и во вечерните часови облачноста ќе се зголеми, во западните и северните делови ќе има локални врнежи од дожд, проследени со ретки грмежи. Во ноќта кон недела и во недела претпладне врнежите ќе се интензивираат и на места ќе бидат поројни (локално над 20л/м2). На највисоките планини ќе има и врнежи од снег. Ќе дува засилен ветер од западен правец (над 70 км/час). Дневната температура ќе опадне зa околу 5 степени. Од понеделник ќе настапи стабилизирање на времето.
