Македонскиот писател и критичар, Венко Андоновски, критики за планот да се воведе сексуалното образование во новиот концепт во основното училиште.
-Во овој морално болен свет, кој ја брише границата меѓу природното и неприродното, да му дадеш на своето дете од најмали нозе погрешно, општествено организирано сексуално образование, пред да му дадеш стабилно емотивно и духовно образование, значи да му дозволиш да седне на буре барут и да запали томпус, напиша Андоновски.
Според него, издвојувањето на „сексуалното задоволство“ од љубовта е причина за пропаст на цивилизациите, и дека таквиот наин на кој Сеопфатното сексуално образование сака да го прикаже овој нов концепт исто така се прикажува и преку порнографијата.
-Љубовта не е само емотивна, психосоцијална, а најмалку културолошка појава. Таа е интима на духот, не на телото, општеството и културата. Затоа, ССО сепак ќе развива страсти: ќе се занимаваат со сексот издвоен од љубовта. Јасно велат: ќе се занимаваат со „задоволството“. Но такво задоволство издвоено од љубовта може да обезбеди и порнографијата, како и честото менување непознати партнери, вели тој.
Андоновски за крај, истакна дека децата сепак ќе треба да знаат до која граница да бидат толерантни.
-Затоа, сепак ми се чини дека ССО се користи, преку грбот на децата, да се реши проблемот со општественото прифаќање (па дури и ВИП-вреднување) на хомосексуалноста. Но тоа е дел од една СОЦИОЛОГИЈА на сексуалноста. Тоа не е баш наука за основци, како и културологијата на сексот, истакна тој.
