Наместо да се оди на стратегија со вакцинација, во борбата против коронавирусот треба да се оди на стратегија со лекови, како во случајот со СИДА-та, смета хрватскиот биолог, академик Мирослав Радан, кој во четвртокот навечер беше одликуван од Франција со титулата Витез на националниот ред на Легијата на честа.
Вирусот се менува, а вакцината може да создаде само еден вид на антитела. Затоа, ако со два-три различни лекови хемиски добро го отруеме животот на вирусот, тој че стане импотентен и нема веќе да биде ефикасен како вирус, што според мене е доволно, рече тој за хрватските медиуми по церемонијата.
Тој смета дека и Хрватска и светот мораат да престанат да се возбудуваат.
Во Хрватска умираат околу 50 илјади луѓе годишно, што е малку повеќе од еден отство. Кога на тоа ќе ги додадеме овие околу 300 смртни случаи од ковид-19, тоа се 50 илјади плус 300. Зошто толку се возбудуваме? Затоа што фокусот е на гадното умирање на постарите лица поради вирусот. Ајде да направиме зум и за хемотерапијата, ракот, воспалението – и тоа гадно изгледа. Не сакам ништо да инсинуирам, само истакнувам базични цифри. Зошто 300 починати се поважни од 50 илјади? Некои ќе кажат затоа што се плашиме 300 да не станат 30 или 300 илјади. Но, можете да земете било која болест и да го претпоставите тоа, смета Радман.
Според академикот здравиот разум опаѓа и во најразвиените земји, зошто инаку не би се носеле исто толку лошо сите земји со еден релативно банален проблем со инфективна болест, а во минатото имало многу полоши од оваа.
