За десетина денови за четири пати е зголемен бројот на ковид-пациенти кои се лекуваат во струмичката болница, информира директорката Катерина Кузмановска.
-Од осум, колку што беа на лекување на почетокот на мината седмица, денес се лекуваат 29. Од нив, 16 се хоспитализирани, 13 се лекуваат во дневната болница, a oсум пациенти се на кислородна поддршка.
Можеби овие бројки не се многу во споредба со месеците кога имавме и по стотина пациенти, но за да не растат, апелираме до сите, а посебно до младите, да ги почитуваат мерките за заштита и да не се групираат, бидејќи токму тие најмногу заболуваат, а имаме и семејни кластери каде помладите го донеле вирусот дома, изјави директорката Кузмановска. Додава дека има слободни кревети во болницата, а подготвена е и модуларната ковид-болница.
Во неа има триесетина кревети наменети за пациенти со лесна и потешка клиничка слика.
