САД воведоа санкции за руската банка „Еврофајненс моснарбанк“ поради поврзаност со венецуелската нафтена компанија ПДВСА, стои во соопштението на министерството за финансии на САД.
Џон Болтон, советникот за национална безбедност, уште минатата недела предупреди дека на сите финансиски институции кои соработуваат со Николас Мадуро ќе им бидат блокирани средствата и ќе им биде замрзнат имотот. Исто така ќе им биде забрането на правни и физички лица од САД да склопуваат договори или да вршат трансакции преку тие банки.
Венецуелскиот амбасадор во Русија, Карлос Рафаел Фарија Тортоса неодамна изјави дека во Москва ќе биде отворено седиште на венецуелската дрќавна нафтена компанија ПДВСА.