March 29, 2024, 12:04 am

Ceмeјcтвoтo Фетаху од Тетово бapa пoмoш: Живeaт вo cиpoмaштиja, pacпaднaтa кyќa и кpoв кoj пpoкиcнyвa

Поврзано

- Advertisement -
- Advertisement -

Куќа која прокиснува при секој пообилен дожд и ѕидови речиси распаднати. Вака живее 4-членото семејство Фетаху од Тетово. Покрај реката Пена, во населбата Горна чаршија секој ден можете да го видите домаќинот Ружди како седи надвор и ги впива сончевите зраци. Тој чека надворешната топлина барем малку да ги стопли неговите коски, бидејќи куќата во која живее нема елементарни услови за живот. Ѕидовите се секогаш влажни, а се шири и непријатна реа од маглата. Со социјалната помош што ја земаат, семејството Фетаху едвај успеа да го помине месецот.

Ружди Фетаху: 32 години сме тука и многу е лошо бидејќи има многу влага. Барем некој да ми помогне да го средам тоа. Кога врне е уште полошо, ставаме корита, но сепак водата влегува внатре. И кога не врне, ѕидовите се со влага. Принудени сме да ја оставаме вратата отворена бидејќи се шири лоша миризба. Барем некој да може да ни помогне. Не работиме, живееме од социјална помош од 4.900 денари.
ТВ21: Само оваа соба ја имате?
Ружди Фетаху: Имаме уште една, но и таму не можеме да седиме сите четворица. Тука седиме. Нема каде да спиеме, јас со девојчето таму спијам, а момчето и сопругата тука, бидејќи целата куќа е со влага.

Асим, синот на Ружди, вели дека во оваа куќа не може да се живее. Тој се обидува да собира железо, картон и пластични ќесиња за да заработи некоја пара. Се труди да најде сигурна работа, но не успева. Асим вели дека секогаш кога паѓа дожд се во опасност, бидејќи водата допира и до електричната мрежа.

ТВ21: Дали работиш некаде?
Асим Фетаху: Не, не работам никаде. Кога ќе најдам некоја работа сечам дрва, собирам железо, картони, но немам друга работа. И џамијата ми помага. Би сакал градоначалничката на Тетово, Теута Арифи да дојде и да види како живееме и да види како водата влегува во куќата.
ТВ21: Дали стравувате дека куќата може да се урне?
Асим Фетаху: Од другата страна само што не паднал ѕидот, а од оваа страна пак водата влегува внатре.

Го оставивме семејството Фетаху со надеж дека еден ден и тие ќе имаат сигурен кров над глава. 72-годишниот Ружди вели дека не сака да замине во вечното почивалиште и да ги остави ќерката и синот да живеат во вакви тешки услови.

Извор: ТВ21

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This