Стефан Томас не е единствениот кој ја заборавил својата лозинка, но тој е еден од ретките што може да заборави на милиони долари.
Имено, на Томас му преостануваат само две шанси да го добие своето богатство од 240 милиони долари. Тоа е вредноста на 7.002 биткоини што овој програмер од Сан Франциско ги доби пред десет години како награда за снимање на видео што објаснува како работи криптовалутата.
До пристигнувањето на подарокот, биткоините вредеа по два до шест долари. Ги спакуваал биткоините во својот „дигитален паричник“ и ги заборави.
Сега, секој биткоин вреди 34.000 долари, а содржината на неговиот паричник се проценува на 240 милиони долари. Сепак, Томас ја заборави лозинката што треба да го отклучи неговото богатство, пишува Гардијан.
Томас, роден во Германија, веќе осум пати внесе погрешна лозинка и ако направи уште две грешки, дискот што ги содржи неговите приватни клучеви од биткоин ќе се заклучи – и тој никогаш нема да ги види парите.