Претседателот на Новара од Серија Ц, Марчело Чианчи мораше да се повлече од функцијата, откако бил фатен со 200.000 евра во кеш, за кои немал оправдание од каде ги заработил.
„Газета дело Спорт“ пишува дека 50-годишниот Чианчи бил запрен од полициско возило и кај него биле пронајдени парите, при што тој не дал никакво објаснување и истите му биле одземани.
Новара објави официјално соопштение и се огради од случајот. Тие соопштија дека парите пронајдени кај претседателот немаат никаква поврзаност со тимот и тоа е личен проблем на нивниот поранешен прв човек.