Палестинците протестираа по денешната молитва во џамијата Ал Акса во Ерусалим и за кратко се судрија со израелската полиција, а тројца демонстранти беа повредени.
Планината Темпл, каде се наоѓа Ал Акса, но и светилиштата на Евреите и христијаните, е третото најсвето место во исламот и честопати било место на конфликт меѓу Израелците и Палестинците. Овој пат полицијата се воздржа од влегување во комплексот и постапи повнимателно, веројатно по наредба на новата израелска влада, пренесе АП.
Палестинската Црвена полумесечина објави дека двајца Палестинци биле ранети со гумени куршуми, а кон третиот бил фрлен камен.
Се додава дека млади Палестинци фрлале камења кон полицијата која се наоѓала на влезот во комплексот, и која испукала шок-бомби и гумени куршуми, јави Танјуг.
Стотици луѓе демонстрираа како одговор на собирот на еврејски ултранационалисти во вторникот, многумина извикуваа „смрт за Арапите“ и „оставете го вашето село да гори“.
Палестинците протестираа против навредите кон пророкот Мухамед, и откако се појави видео на Интернет, каде се слуша дека некои ултрадесничари го навредуваат.