Варијантата P1 на бразилскиот вид на коронавирус предизвика втор бран, многу потежок од првиот. Тоа е заразен вирус кој ги заразил оние кои веќе се заразиле со Ковид-19 во Бразил. Експертите го споредуваат новиот вид и неговото ширење со „атомска бомба“. Исто така постои страв дека нови варијанти на бразилскиот сој може да се прошират низ целиот свет.
Научниците предупредуваат дека неконтролираното ширење на новата варијанта на бразилскиот вид на коронавирус може да ја загрози борбата против пандемијата на глобално ниво. Позаразната и опасна варијанта на P1 што се појави таму веќе стана доминантна во Бразил.
„Оваа информација е атомска бомба“, рече д-р Роберто Краенкел, бразилски биолог. “Изненаден сум од пронајдените варијанти. Луѓето не разбираат што значи ова. Сите пронајдени варијанти се уште позаразни, а тоа значи забрзано ширење. Катастрофа!”, додаде Краенкел.
Пронајден во девет американски земји
Новата варијанта на P1 веќе е пронајдена во 15 примероци во девет држави во САД. За среќа, зголемувањето на бројот на вакцинирани и намалувањето на дневните инфекции помагаат да се запре појавата на нови жаришта, но тоа не е случај со Бразил. Во таа земја, болниците се преполни, а планот за вакцинација е во хаос и речиси не постои.
„Ниту една земја нема да биде безбедна доколку сите не ги контролираат жариштата и ширењето на инфекцијата“, рече д-р Денис Гарет, епидемиолог од Вашингтон.
„Можеме да вакцинираме во САД колку што сакаме и да постигнеме имунитет, но сè додека имаме жаришта кои не можат да се контролираат во другите земји – можно е пренесување на инфекцијата“, додаде Гарет.
Се појави и во Европа
Бразилскиот вид на коронавирус стигна до Европа. Прашање е на денот кога ќе се открие и кај нас.
Бразил е плодна почва за создавање нови варијанти на вирусот
„Во земји како Бразил, каде што нема епидемиолошки мерки и вирусот е слободен, тој има плодна почва за создавање нови варијанти“, објасни Гарет. Имено, сите вируси мутираат, цело време.
SARS-CoV-2, вирусот што предизвикува Ковид-19, всушност започнал брзо да мутира. Новите видови почнаа да се појавуваат кон крајот на минатата година, бидејќи бројот на заразени растеше во повеќето земји.
Голем дел од граѓаните повторно се заболени
Бразил веќе помина низ страшен прв бран на пандемијата. Тестирањето на антитела сугерираше дека околу 76 проценти од тешко погодениот град Манаус се заразиле во октомври, по првиот бран на пандемијата. Ова требаше да создаде природен имунитет кај повеќето граѓани.
Тоа не се случи, пишува DailyMail. Манаус ги зачуди епидемиолозите со бројките на заразени во вториот бран во јануари. Сто луѓе умираа секој ден во градот со два милиони жители.
Варијантата P1 е откриена во декември
Варијантата P1 е откриена во декември и веројатно активирала голема стапка на инфекција во тоа време. Загрижувачки е што истата варијанта предизвика огромна стапка на повторна инфекција во тој град. Лабораториски студии покажаа дека мутациите во новата варијанта можат да избегнат антитела активирани од претходни инфекции, а делумно и вакцината.
“Оваа нова варијанта на вирусот успева да избегне антитела и имаме нова инфекција. Сега е доминантна варијанта во Бразил. Иако немаме многу од неа во САД, нека не ве лаже – оваа варијанта на вирусот е многу позаразна“, рече д-р Гарет.
Тој исто така наведува дека добрата вест е дека вакцините сè уште функционираат, спротивно на претходните предупредувања кога се сметаше дека тоа не е така. Но, со само 10 проценти од вакцинираната популација, остатокот од Американците сè уште се изложени на ризик, имајќи предвид дека антителата создадени од преживеаната корона не носат заштита.
Извор: denar.mk
