Меѓународната федерација на црвен крст денес објави дека случаи на коронавируси експлодирале во Азија во последните две недели со над 5,9 милиони нови случаи на ковид-19.
Како што е наведено, во Азија, поголем број на луѓе биле дијагностицирани со болеста во текот на последните две недели, отколку во САД, Европа и Африка заедно, пренесува Танјуг.
Црвениот крст предупреди дека брзината на ширењето на пандемијата ги турка болниците и здравствените системи на работ на колапс.
Се вели дека седум од 10-те глобални земји кои најбрзо го удвојуваат бројот на заразени се во Азија и Пацификот.
Црвениот крст побара регионална поддршка со повеќе медицинска опрема, поддршка за превенција и итен пристап до вакцините.
Се додава дека кампањите за вакцинација во Азија се попречени од недостаток, двоумење и скапа логистика за достигнување на многу области.
