Заложничката криза се одвива во автобус во Германија, на автопатот А9 помеѓу Хиполштајн и Грединг. Нападнат автобус од Србија. Силни полициски сили го опколија автобусот на автопатот.
На меѓународната автобуска линија Дортмунд-Белград на српскиот превозник „Ласта“, имаше напад врз патници и возачи.
Еден патник, кој се качил во автобусот во Франкфурт, и кој, како што дознава Танјуг, се вика Фахрудин Кахровиќ, физички ги нападнал другите двајца патници.
Набргу бил совладан од возачот и другите патници, но тие сѐ уште се во автобусот.
Возачите тврдат дека Кахровиќ рекол дека добил порака од Алах дека мора да ги нападне патниците, бидејќи во спротивно ќе биде нападнат.
Германската полиција, во соработка со Безбедносно -информативната агенција, е во контакт со еден од возачите, кој бил затворен во автобусот со напаѓачот.
Германските медиуми тврдат дека напаѓачот бил само привремено покорен, и дека за тоа време патниците го напуштиле автобусот, додека полициската преговарачка екипа е на терен и се обидува да стапи во контакт со напаѓачот, а сообраќајот е запрен.
Сите патници се евакуирани, според германската агенција ДПА, а возачите со напаѓачот биле во автобусот.
Автобусот се движел кон Минхен.
Германскиот „Билд“ објави дека се работи за автобус од странство, и дека во него имало три лица и напаѓач.
Се слушнаа три детонации, а полицискиот хеликоптер е задолжен за инцидентот.
