Непотизмот продолжува да царува во јавната администрација. Се работи за последниот конкурс за местото на сметководител во кочанскиот суд каде е веке извесно кој ќе биде избраниот кандидат. Во чаршиските кулоари веќе се говори дека на оваа работна позиција ќе биде примена сопругата на директорот на Водовод – Кочани.
Дека судството е отворено како пупка, токму како што тврдеше Зоран Заев укажува и овој случај каде како клучен играч се појавува администраторот во кочанскиот суд кој важи за близок до моменталната владеачка структура, а во чија надлежност е формирањето на комисија за селекција на кандидати. Според нашиот извор администраторот без консултација со надлежните селектира „соодветна“ комбинација на подобни членови на комисијата во чиј состав ќе бидат блиски и лојални луѓе до неа.
Оваа комисија понатаму од 10 пријавени кандидати би требало да селектира 5 меѓу кои е е и споменатата сопруга на директорот на Водовод.
Сепак состојбата дополнително се проблематизира доколку се земе во предвид дека судскиот администратор во моментов се бори за повисока позиција во правосудниот систем и напредување. Дали со непотизмот и партизацијата се оди на прав пат, останува да видиме.
