Нова афера е на повидок во БиХ, поврзана со сомнителна набавка на медицински материјали, а се однесува на квалитетот на кислородот за пациентите со ковид.
Според „Worldometer“ на светската база на податоци, која води евиденција за параметрите поврзани со пандемијата на коронавирус во светот, бројот на смртни случаи во БиХ изнесува 10.422.
Кога тој број се применува на ентитетите, стапката на смртност во однос на бројот на пациенти во Федерацијата БиХ по милион жители е четири проценти, а во Република Српска 5,5 проценти, пренесува порталот Кликс.ба.
Бројот на смртни случаи од корона во ФБиХ е 5.917, додека во РС е 4.142, што е екстремно висок процент во однос на бројот на жители ако се процени дека во ФБиХ има околу два милиони жители, а во РС околу милион.
Пациентите сега одбиваат да примаат кислород
Зошто тој број е толку голем, никој се уште не понуди соодветен одговор, но ако земеме предвид дека од почетокот на пандемијата на коронавирус во БиХ, не престанаа скандалите поврзани со сомнителното набавка на медицински материјали, со право се поставува прашањето дали двете можат да се поврзат, прашува Кликс.ба.
Последниот во низата скандали со медицинска опрема беше откриен во саботата кога градоначалникот на Бања Лука, Драшко Станивуковиќ, објави дека кислород за лекување на пациенти во УКЦ Бања Лука е набавен од компанијата ТГТ Лакташи, чиј директор е Станислав Чаџо, поранешен министер за внатрешни работи на РС. Таа компанија, тврди Станивуковиќ, ја нема потребната лиценца за трговија со медицински кислород.
Кликс наведува дека речиси сите службеници на СНСД на Милорад Додик веднаш излегле во одбрана на Чаџо, додека самиот Чаџо воопшто не се огласил за ова.
Во меѓувреме, според некои медиуми, пациентите во УКЦ Бања Лука одбиваат да го користат кислородот што им е потребен за лекување. И наместо да набават кислород од компанија која ги има сите потребни дозволи, одговорните во РС повторно велат дека сето ова е обид за соборување на актуелната влада во овој ентитет.
