Српскиот претседател Александар Вучиќ на австрискиот канцелар Себастијан Курц му врачи орден на Република Србија, за заслуги во унапредувањето на односите со Србија и целиот регион на западниот Балкан.
„Драг пријателе, денес имам исклучителна чест и особено задоволство како докажан пријател да ви го врачам највисокото државно одликување, поради зацврстувањето и развивањето на соработката на Србија и Република Австрија“, истакна Вучиќ.
За време на посетата, Вучиќ и канцеларот Курц разговарале за евроинтеграциите, мигрантите, но и за „Отворен Балкан“..
Дека Вучиќ се покажал како добар домаќин говори и неговата објава дека за неговиот почитуван гостин подготвил и бифтек.