METЛАТА ЌЕ ЗАИГРА И ВО ЦАРИНА: Директорската фотелја во Царина резервирана за Зечевиќ?!

  • May 15, 2019

Царинската управа ќе биде еден од секторите во кој ќе заигра метлата на премиерот Зоран Заев – тврдат извори од „Република“. Според нив смената на директорската позиција во Царинската управа е дефинитвна. Како причини за незадоволството од досегашното раководење на актуелниот директор Ѓоко Танасоски се наведуваат повеќе работи – тргнувајќи од поставеноста на работите, па се до скандали поврзани со негови блиски луѓе.

За неговата позиција се споменуваат две имиња. Извори за „Република“ велат дека за секторот кој реално и носи најмногу пари во буџетската каса влечат две различни страни. Едната страна навива за Игор Милев, кој моментално работи во Царина како советник на директорот. Тој се споменуваше и како можен директор пред година дена, но не ги исполнуваше условите според систематизацијата. Второто име е актуелниот директор на „Јасен“, Новица Зечевиќ.

Новица Зечевиќ е брат на Миле Зечевиќ, советник на премиерот Зоран Заев. И тој беше едно од имињата за кое се споменуваше како можен директор на Царина пред да биде назначен Танаскоски. По поставувањето на Новица Зечевиќ за директор на Јасен се појавија низа реакции дека се работи за лице кое не може да биде носител на државна функција со оглед дека има повеќекратни кривични прекршоци, но тој доби и безбедносен сертификат од државата, по што немалио никаков проблем тој да биде директор на „Јасен“. Сега се погласно се зборува дека токму тој ќе ја преземе улогата на прв човек на Царинската управа.

Се спрема промена и во Здравство. Ова министерство, според извори од СДСМ, ќе добие нов, трет министер од доаѓањето на владата на Зоран Заев. Прв минситер беше Арбен Таравари, кој откако стана градоначалник на Гостивар беше заменет со Венко Филипче. Иако Филипче важел за човек близок до вицепремиерката Радмила Шеќеринска, тој е еден од министрите кои по најавената метла ќе ја напушти удобната фотелја.

Денеска Зоран Заев се врати од неколку дневен одмор, по пто се очекува да се донесе и одлука за првите разрешувања.

Верувам дека на почетокот на јуни ќе излезам со комплетна промена, ќе се сменат неколку министри, неколку заменици и директори, ќе бидат оние за кои веќе коментираат граѓаните, јас како мандатар ги согледувам укажувањата на граѓаните, рече денеска Заев

Претходно «
Следно »