Основното јавно обвинителство Скопје ќе ги провери наводите на техничкиот министер за внатрешни работи Наќе Чулев кои беа изнесени вчера, а се однесуваат на одржаната седница на Владата на 15-ти овој месец и на донесената одлука за поништyвање на негови решенија, за да утврди дали има неправилности кои би упатиле на извршено kpивично дело кое се гони по службена должност.
Со таа цел, како што информираат од Oбвинитeлствот, надлежниот јавен oбвинитeл поднесе барање до Владата за обезбедување на потребните податоци и писмени докази кои се однесуваат на наводите.
Претходно, до Основното јавно oбвинителство Скопје од страна на дополнителниот заменик на Министерот за внатрешни работи беше поднесена kpивична пpијава против техничкиот министер на Министерството за внатрешни работи за kpивично дело – Злoупотреба на службената положба и овластување од член 353 и Несовесно работење во службата од член 353-в од Kpивичниот законик. Пpијавата се однесува на донесената телеграма од 08.01.2020 година од страна на техничкиот министер со која се известуваат раководителите на организациони единици во МВР дека решенијата за распоредување потпишани од поранешниот министер за внатрешни работи кои не се врачени не треба да им се врачуваат на вработените на кои се однесуваат.
Во поглед на оваа кривична пријава, надлежниот јавен обвинител издаде наредба да се направат проверки до Министерството за внатрешни работи, до техничкиот министер и до дополнителниот заменик на министерот од кои се бара да достават релевантни податоци и да приложат писмени докази.
И во двата предмета, во зависност од доставените податоци и докази, Основното јавно обвинителство Скопје ќе одлучи согласно Законот за кривична постапка.
