Oдлично прашање: Што бара новиот прилепски автобус од 250.000 евра во Скопје?

- Advertisement -

Читател ни испрати фотографии од еден од новите прилепски автобуси за јавен градски превоз забележат на патарината пред Скопје, пренесува Маркукуле.

Овој автобус е еден од четирите кои за вредност близу од 1 милион евра ги набави Јавното претпријатие за просторно и урбанистичко планирање при Општина Прилеп.

Останува нејасно што бара автобус од прилепскиот јавен градски превоз во Скопје. Дали автобусот е однесен на сервисирање и дали има некој дефект?

Инаку набавката на овие автобуси ги следеа низа контроверзии и сомнежи на кои реагираше опозициската ВМРО-ДПМНЕ во Прилеп, од каде посочуваа дека за набавката на автобусите не бил објавен меѓународен тендер.