Екстремно реткиот пурпурно-розов дијамант кој е откопан во Русија може да достигне цена од 38 милиони долари на аукцијата, каде што ќе биде изложена на 11 ноември годинава, објави аукциската куќа „Сотеби“.
Инаку, тркалезниот дијамант го доби името по рускиот балет „Дух на розата“ и е најголемиот што беше понуден на оваа аукција, пренесува Ројтерс.
Станува збор за дијамант од 14,83 карати, извлечен од најголемото наоѓалиште на розови дијаманти.
„Тешко е и многу ретко може да се најдат розови дијаманти во природата, во која било големина. Само еден процент од сите розови дијаманти се поголеми од десет карати“, изјави Гери Шулер, директор на куќата „Сотеби“.