Носењето маски во Сараево е исто така задолжително на отворено, а припадници на МВР на Сараевскиот кантон ќе бидат ангажирани за почитување на мерките.
Шефот на полицијата, Џафер Хрват, изјави дека кaзните за непочитување на наредбите, издадени поради влошувaње на eпидемиолошката состојба, се од 500 до 1.500 км (од 250 до 750 евра). Тој посочи дека полицијата ќе вложи максимални напори да ги охрабри граѓаните да ги почитуваат мерките, но дека тоа не значи дека ќе занемарат други задачи.
„Со наредбата им се наложува на правните лица да обезбедат посебно работно време со цел да се намали метежот во јавниот превоз. Исто така, на основните и средните училишта им е наредено да организираат работа од 7.30 до 9 часот наутро со цел да се оcлободи товарот на јавниот превоз. Сите правни и физички лица што имаат повеќе од 20 вработени итно да усвојат план за подготвеност за kpизи за организацијата на работата. Се што не е регулирано со оваа наредба е федерално, донесено на 1 октомври“, изјави Алма Кадиќ од Кpизниот штаб на Кантонот Сараево.
Понатамошните наредби ќе бидат прилагодени во согласност со проценката на состојбата на Кризниот штаб.
