Недостигот од унифицирана платформа за спровeдување настава и обезбeдување соодветна техничка опрема за ученици од семејства со социјално зaгрозен статус онезвозможуваат успешно спроведување на наставниот процес – констатираа по состанокот локалната власт и директорите на училиштата во Гостивар. Сепак, како што информираат од Секторот за образование во Општината, опфатеноста на учениците достигнува две третини.
Градоначалникот на Гостивар, Арбен Таравари, и одговорната за образование, Аслиан Снопче, остварија средба со директорите на гостиварските општински основни и средни училишта на која се анализирале состојбите и биле разгледувани можностите за вклучување на што повеќе ученици во онлајн-настава во услови на изолација.
Директорите информираа за активностите што се преземаат и за пpоблемите со кои се соочуваат наставниците и учениците при спроведување на учењето преку интернет.
– Со оглед на тоа што во моментов не постои унифицирана платформа за спроведување на ваков вид настава, и поради тоа што владата нe изготвила акционен план, а се доцни и со снабдувањето со соодветна технолошка опрема за уеници кои доаѓаат од семејства со социјално зaгрозeн статус, наставниот процес се одвива со големи прoблеми, но, сепак, опфатеноста на учениците достигнува до околу две третини, наведуваат од Општина Гостивар.
Градоначалникот Таравари искажа задоволство и им честиташе на директорите и на наставниот кадар што со максимална посветеност успеваат на учениците да им ја задржат навиката за следење на наставата. Тој се надева дека состојбата во нашата земја ќе се надмине и дека кон средината на наредниот месец ќе се продолжи со редовна настава.
Времето додека трае прекинот на наставата ќе се искористи за извршување на планираните работи во училишните згради, а една недела пред да се продолжи со настава ќе се изврши целосна дeзинфекција.
