September 26, 2020, 10:38 am

Paботодавачите бapаат итнo фopмирање влада

Поврзано

Вo живo: Пpoтecт во Бутел за лaжнитe вeтyвaњa зa изгpaдбa нa пoликлинкa

Следете го во живо протестот во Бутел за лaжнитe вeтyвaњa зa изгpaдбa нa пoликлинкa. Старата поликлиника е руинирана, а...

МОН: Нaциoнaлнaтa плaтфopмa дocтaпнa зa yчeницитe и зa poдитeлитe, пoceтeтe ja

Ги повикуваме директорите на училиштата коишто не го сториле тоа, да го забрзаат процесот и да ги испратат лозинките...

Митко Јанчев сака да биде лидер како Зоран Заев: Дај Боже сите да бидеме како Заев

Градоначалникот на Кавадарци, Митко Јанчев, избран како кандидат на ВМРО-ДПМНЕ, чиј член се уште е, на трибина зборуваше за...
- Advertisement -

Продолжуваат разговорите меѓу политичките партии за формирање ново парламентарно мнозинство и понатаму без официјална потврда за евентуален договор. Тоа треба да биде направено најдоцна до петок кога истекува десетдневниот рок, по кој претседателот на државата треба да го додели мандатот за формирање влада.

Изминатиот викенд информации и пораки за разговорите претежно беа испраќани преку соопштенија од СДСМ и ВМРО-ДПМНЕ, и двете партии, што се во трка за нов владин кабинет. Организацијата на работодавачи, пак, побара итно формирање влада за да донесе нови мерки што ќе му помогнат на стопанството.

СДСМ повтори дека ги продолжува разговорите за формирање стабилно парламентарно мнозинство и за владина коалиција со полн, четиригодишен, стабилен мандат. Посветени сме за просперитет и долгорочна стабилност на Северна Македонија, велат од партијата, и додаваат дека е јасно оти државата нема друга алтернатива за интеграција, освен членството во НАТО и во Европската Унија.

– Во разговорите со политичката партија ДУИ целосно сме согласни за почитување на Договорот од Преспа со Грција, Договорот за пријателство, добрососедство и соработка со Бугарија и Охридскиот рамковен договор. Посветени сме на социјална кохезија, силно и толерантно општество, владеење на правото и согласни сме да се спротивставиме на сите форми на национализам и омраза. Разговаравме дека евентуалната заедничка владина програма мора да биде во согласност со Уставот, законите и изборните програми на СДСМ и ДУИ, појаснуваат од СДСМ.
Партиите, како што наведуваат, се согласни на прочистување на правосудството и на проверка на потеклото на пари и капитал кај секој функционер, по пат на систем што заеднички ќе биде договорен.

Во петокот попладне генералниот секретар на СДСМ Љупчо Николовски имаше средба со организацискиот секретар на ДУИ Артан Груби со кого, како што соопштија, имале конструктивна дискусија за потврда на заложбите на сите граѓани за мир, стабилност, безбедност и соработка во земјата и регионот, здрави меѓуетнички и соседски односи, економски развој, правна држава, чиста животна средина и општествена благосостојба.

ВМРО-ДПМНЕ, пак, и вчера преку соопштение побара СДСМ да излезе и јавно да каже дали има мнозинство во Собранието и дали ќе прави влада.

– Доколку не го направи тоа, значи дека тие ова што го прават е манипулирање со граѓаните. СДСМ ако сака да прави влада треба да се однесува транспарентно, соопшти ВМРО-ДПМНЕ.
Портпаролот на ВМРО-ДПМНЕ Димче Арсовски викендов одговарајќи на новинарско прашање за преговорите за формирање нова Влада, рече дека имаат комуникација со сите политички партии и додаде оти не би навлегувал во детали за да не ги наруши процесите.

– Од она што можеше да се забележи имаше една средба меѓу претседателот Мицкоски и претседателот ДУИ, Ахмети која се одржа во Собранието траеше околу еден час, се разговараше за повеќе теми и не би сакал да навлегувам во детали да не наштетиме на процесите. Доколку и како ќе се развива ситуацијата натаму ќе бидете благовремено известени од наша страна, исто како што бевте транспарентно и минатиот пат. Инаку во однос на комуницирање со партиите ВМРО-ДПМНЕ изминатиот период на пријателски начин тоа го прави со сите политички партии, наведе Арсовски.
Порака за што побрзо формирање на Владата вчера упати Организацијата на работодавачи, од каде потенцираа дека тоа е неопходно за да се донесат нов сет антикризни мерки. Се жалат дека сега се оставени сами да се справуваат кога голем дел од работниците се дома, или се позитивни на коронавирус или се во изолација. – Мора да се донесат сет на мерки со цел да се зачуваат работните места. Една од мерките по примерот на Германија е трошоците за работниците за четири часа да ги подмирува работодавачот, а останатите четири часа државата, изјави претседателот на Организацијата на работодавачи Ангел Димитров.

Уставот предвидува претседателот на државата во рок од десет дена од конституирањето на Собранието мандатот за состав на Владата да го довери на кандидатот на партијата, односно партиите што имаат мнозинство во Парламентот. Мандатарот во рок од 20 дена од денот на доверувањето на мандатот, на Собранието му поднесува програма и го предлага составот на Владата. Владата, на предлог на мандатарот и врз основа на програмата, ја избира Собранието со мнозинство гласови од вкупниот број пратеници.

На парламентарните избори што се одржа на 15 јули годинава, коалицијата „Можеме“ предводена од СДСМ освои 46 пратеници, коалицијата „За обнова на Македонија“ на ВМРО-ДПМНЕ 44, ДУИ доби 15, коалицијата на Алијанса на Албанците и Алтернатива 12, Левица два, а ДПА еден мандат.

Latest News

Вo живo: Пpoтecт во Бутел за лaжнитe вeтyвaњa зa изгpaдбa нa пoликлинкa

Следете го во живо протестот во Бутел за лaжнитe вeтyвaњa зa изгpaдбa нa пoликлинкa. Старата поликлиника е руинирана, а...

МОН: Нaциoнaлнaтa плaтфopмa дocтaпнa зa yчeницитe и зa poдитeлитe, пoceтeтe ja

Ги повикуваме директорите на училиштата коишто не го сториле тоа, да го забрзаат процесот и да ги испратат лозинките до учениците во текот на...

Митко Јанчев сака да биде лидер како Зоран Заев: Дај Боже сите да бидеме како Заев

Градоначалникот на Кавадарци, Митко Јанчев, избран како кандидат на ВМРО-ДПМНЕ, чиј член се уште е, на трибина зборуваше за тоа каков лидер сака да...

Филипче е нajнecпocoбниoт миниcтep зa здpaвcтвo вo Европа нa чиja oдгoвopнocт ce нaд ceдyмcтoтини пoчинaти гpaѓaни

Манипулацијата е единствена реторика што и остана на Владата во несправувањето со коронавирусот, а министерот за зараза е најнеспособниот министер за здравство во Европа...

Елена Ристеска: Ако не најдам партнер, планирам да си посвојам детенце

Македонската пејачка Елена Ристеска музичка кариера ја стави во втор план, а неодамна почна сопствен бизнис односно козметичката линија „ЕРА“. Пејачката гостуваше во естрадниот магазин...

More Articles Like This