Четири лица, од кои две потешко, се повредени во сообраќајна несреќа која се случила вчера попладне на улицата „Перо Наков“.
Во несреќата, информира МВР, учествувале мотоцикл „кавасаки“, со скопски регистарски ознаки, управуван од И.Д.(32) од Скопје и автомобил „ауди А3“, со скопски регистарски ознаки, управуван од Д.П.(32) од Куманово.
-Во незгодата мотоциклистот и сопатникот В.С.(31) од Скопје се здобиле со тешки телесни повреди, констатирани во Комплексот клиники „Мајка Тереза“. Со телесни повреди се здобиле Д.П. и сопатничката од истото возило Н.П.(33) од Скопје, констатирани во Градската општа болница „Св.Наум Охридски“, велат од МВР.
Извршен бил увид на местото на незгодата од увидна екипа од СВР Скопје.