По огнената стихија која го проголта еден од најважните природни споменици на Велес, вечерва пламените јазици згаснаа уште една приказна на која беа горди велешани
Во пожар кој избувнал вечерва, настрадаа Варналиите, комплекс на куќи кои потекнуваат од 19-от век, а се заштитени како културно богатство. Засега не е позната причината за пожарот, а велешани преку социјалните мрежи веќе се простуваат од белегот на градот, на кој толку се гордееа.
Варналиите се комплекс на куќи изградени во периодот на втората половина од 19-от век. Во нив живееле беговски фамилии, но и имотни семејства на велешани. Претежно трговци.
Овие куќи често се користени и како сетови за низа на култни македонски филмови.