Сите настани што се случуваа последниве денови воопшто не ѝ се допаднале на Анџелина Џоли (44), посебно средбата на нејзиниот поранешен сопруг Бред Пит (56) и Џенифер Анистон (50) на доделувањето на САГ-наградите.
Но, близок пријател на холивудската актерка тврди дека Џоли не се лути поради сцената со Анистон, туку поради говорот на Бред, кој се однесувал на нивниот брак.
Ова беше многу тешка улога за мене. Морав да играм тип што дува, шета без маица и не се сложува со својата сопруга. Целосна спротивност од мене, изјави Бред иронично додека ја примаше наградата за улогата во филмот „Беше еднаш во Холивуд“ и, наводно, многу ја налутил Џоли.
Анџелина не сака нивната поранешна врска да се развлекува по медиумите и да стане предмет на шега, тврди пријателот на Анџелина.
Таа е навистина разочарана, но не поради Џенифер, туку поради изјавата на Бред. Се чувствува како воопшто да не ја почитува, рече тој.
