Епидемиологот доктор Жарко Караџовски пред неколку дена предизвика бура од реакции во медиумите, но пред се во медицинскиот свет поради тоа што ги обвини медицинските лица дека се заразиле со коронавирусот бидејќи не знаеле да ја користат опремата.
Самиот тој вчера додека беше во Куманово покажа дека ниту тој не знае како да ја носи својата заштитна маска.
Истата додека му беше под носот, со рацете се чешаше за нос и беше во присуство на веќе денеска позитивниот на коронавирус градоначалникот на Куманово Максим Димитриевски.
Инаку денеска се уште не е познато дали и тој е во домашна изолација како што веќе тоа го направија Оливер Спасовски, вицепремиерот Бујар Османи, министерот за здравство Венко Филипче, министерот за образование Арбер Адеми и државниот секретар во министерството за здравство Владимир Милошев, кои присуствуваа на состанокот со кумановскиот градоначалник.
