Републиканскиот сенатор од Мисисипи, Роџер Викер, даде вознемирувачко интервју за Фокс њуз каде што ја истакна можноста за копнено распоредување и нуклеарен напад против Русија доколку САД се вклучат во конфликт околу Украина.
„Не би исклучил воена акција. Мислам дека почнуваме да грешиме кога ги тргаме опциите од масата, па се надевам дека претседателот ќе ја задржи таа опција на маса“, рече Викер за потенцијалниот судир со Русија пред Нил Кавуто од Фокс њуз во вторникот.
Запрашан што ќе вклучува воена акција против Русија, Викер рече дека тоа би можело да значи „употреба на нашите бродови во Црното Море и уништување на рускиот воен капацитет“.
„Не би отфрлил американски војници на теренот“, изјави сенаторот, додавајќи дека САД исто така не треба „да ја исклучат можноста за први да употребат нуклеарна акција“ против Русија.
On Fox News, Sen. Roger Wicker (R-MS) floats the idea of bombing Russian military assets — and says he wouldn't even rule out a nuclear strike pic.twitter.com/I6SatMy6hi
— Aaron Rupar (@atrupar) December 7, 2021
