Двојно убиство се случи вечерва во Бутел, откако непознати лица отвориле оган врз сега убиени.
Убиството се случило на булеварот „Христијан Тодоровски Карпош“, а голем број на полициски единици веќе се на терен, јавува репортерот на ТВ21
„Имаме пријава за слушнати истрели. На терен се екипи“, велат од МВР за ТВ21.
Неофицијално има едно починато лице К.И. а второто подлегнало на повредите, а на терен се три амбулантни возила.
Еден од убиените, според неофицијалните информации е Камбер И. инаку лице блиско до високото раководство на СДСМ.
Не ретко, ова лице објавуваше фотографии со функционери на СДСМ, меѓу кои и градоначалникот на Бутел и потпретседателот на СДСМ Мухамед Зекири.
Инаку, убиениот Камбер И. бил и советник на градоначалникот на општина Бутел.
