Рано изутринава засега непознати сторители го демолирале автомобилот на познатиот аналитичар Љупчо Ристовски.
Тој се сомнева дека станува збор за порака од власта испратена до него поради неговиот негативен став за договорот со Грција. Ристовски вели дека ваков инцидент за прв пат му се случил далечната 1994 година кога бил кандидат за пратеник на Демократската партија. Аналитичарот напоменува дека и тогаш му бил демолиран автомобилот и дека и тогаш како и сега на власт во државата било СДСМ.
Тој не верува дека станува збор за коинциденција и вели дека се се менува само СДСМ не ги менува своите методи на притисок. Ристовски во својот Фејсбук статус го потенцира членот 4 од договорот со Грција каде како што вели се крие велепредавство и побара веднаш владата да објави како точно ќе гласат амандманските измени.
