-Лековитите својства на просото и неговите негативни страни-
Секоја намирница со себе носи нешто добро но и нешто лошо. Исто така, она што некому може да помогне, на друг ќе му одмогне. Сè зависи од здравствената состојба на човекот.
Некогаш се верувало дека ова мало жолто зрно е добро во борбата против вештерки и зли духови. За заштита се поросувало на праговите од куќата, па дури се ставало и во темелите.
А особено го користеле младите девојки кои сакале да се омажат – го поросувале околу оградата и трипати повторувале: „Колку просови зрна, толку додворувачи (запросувачи) да имам!“
Просото е житарица богата со минерали, пред сè со фосфор и магнезиум, но и комплекс од витаминот Б.
Во нашите предели е донесено од Африка и Азија и некогаш се корситело за производство на безквасни лебови, пред да стане храна за птици и стока. Велат дека старите Кинези го сметале за една од петте свети билки, покрај сојата, оризот, пченицата и јачменот.
Лесно се одгледува, не бара посебни вложувања, па оттука веројатно и неговата ниска цена. Постојат неколку видови на просо: обично просо, мухар, бар просо и светло семе.
