Министерот за здравство, Венко Филипче, денес присуствуваше на првиот роденден на малата Лара, ќерка на Јасмина Василковска, жената донор на срце и бубрези. Донираните органи спасија три животи.
Министерот и го честиташе роденденот на Лара и и посака секогаш да биде здрава, безгрижна и насмеана.
„Среќен роденден Лара ❤️ Денеска ја запознав ќерката на Јасмина Василковска, жената донор на срце и бубрези, која неодамна спаси три човечки животи. Семејството ме покани во нивниот дом за да го запознаам ова девојче кое денеска полни 1 година. Голема да растеш Лара, здрава, безгрижна, храбра и секогаш насмеана. Благородноста и хуманоста наследи ги од твоето семејството кое остави вечен белег во историјата на македонското здравство“, напиша министерот на својот фејсбук профил.