„Македонија нема повеќе да се вика така“-напиша Информер .рс, во текстот под наслов Тешка ноќ во Скопје. Медиумите од регионот будно ги следеа синоќешните настани во македонското собрание и известуваа за гласањето за уставните измени.
Српски „Блиц“ пишува дека пратениците од опозијата кои гласаа „за“ уставните измени ќе бидат ослободени од обвиненија и што барале од Заев за возврат доколку ја сменат страната. Таму се посочени осумината пратеници на опозицијата кои, како што пишува „Блиц“, превагнаа да се достигне бројката од 80 пратеници кои гласале за уставните измени.
„Македонија и официјално го менува името“ е насловот на српски „Курир.рс“.