Зошто најновиот случај на птичји грип ги загрижува експертите за можна пандемија?

Случајот на тинејџерот кој бил хоспитализиран во Канада откако се заразил со птичји грип го разбуди алармот кај експертите. Првичните анализи откриле дека варијантата на вирусот со кој бил заразен можеби има мутација што го прави многу попренослив меѓу луѓето.

Здравствените власти се загрижени за повеќе од 50 потврдени случаи на варијанта на птичји грип кај луѓето во седум држави оваа година, со нов случај потврден оваа недела кај дете во Калифорнија без познат контакт со заразени животни. Вирусот е поврзан со вирусите на птичји грип H5N1 кои моментално се појавуваат кај живината во Британска Колумбија, провинција во западна Канада.

Соработнчката на CBS News, д-р Селин Гаундер, главен уредник за јавно здравје во KFF Health News, одговори на прашањата зошто експертите се загрижени за можноста за пренесување на птичјиот грип од човек на човек.

„Ова е важно затоа што се прашуваме како се заразило ова дете. Другите два најверојатни извори би биле дива птица или човек. Ако е човек, тоа значи дека преносот од човек на човек се одвива под радарот, а тоа е еден од знаците дека вирусот може да биде на работ на пандемија, кога има пренос од човек на човек“, вели Гаундер.

Ова би бил втор случај на птичји грип H5N1 во САД без изложеност на болни домашни животни. Неколку работи биле забележителни во врска со тинејџерот заразен во Канада.

„Не го знаеме изворот. Тој тинејџер е критично болен, така што ова не е благ случај на птичји грип како што беше кај другите случаи на птичји грип. Видовме мутации во тој конкретен случај поради кој вирусот полесно би се пренесувал од човек на човек . Гледаме како птичјиот грип се шири меѓу живината, дивите птици, добитокот, луѓето, а ова е всушност руски рулет за да се создаде ситуација во која има мутации за прилагодување на преносот од човек на човек“, рече таа.

Освен преносот од човек на човек, уште нешто ги загрижува експертите.

„Ние немаме веќе постоечки имунитет на овој вирус. Сетете се на ковидот. Денес сме во сосема поинаков свет, но во тоа време имаше нов вирус на кој немавме претходен имунитет. И затоа се грижиме за животинските вируси на кои претходно немавме развиен имунитет“, додаде Гундер. „Контролирањето на вирусот на птичјиот грип и спречувањето на пандемија ќе бара соработка меѓу федералните агенции (CDC, USDA, FDA, имиграција), државните оддели за здравство и земјоделство и индустријата. Потребна е соработка помеѓу областите на јавното здравство, ветеринарната медицина, економијата и општествените науки. Исто така, ќе бидат потребни финансиски стимулации од владата за индустријата и работна сила за да се усогласат интересите на сите“, нагласува Гаундер.

Варијантата на вирусот што циркулира меѓу птиците во Британска Колумбија и северозападниот дел на Соединетите Држави се појави во последните месеци, а неколку години откако птичјиот грип првпат беше откриен во Северна Америка.

Share on Facebook

Tweet

Follow us

Save