Објавено на:

Полска компанија за муниција го зголемува производството како дел од европскиот план за Украина

t

Полскиот производител на муниција Дезамет, дел од државната групација за оружје Polska Grupa Zbrojeniowa (PGZ), значително ќе го зголеми својот производствен капацитет заради снабдување на Украина со муниција финансирана од Европската Унија, изјави денеска полскиот премиер Матеуш Моравјецки.

Најавата на Моравјецки доаѓа пред планираната посета на комесарот за внатрешен пазар на Европската комисија, Тиери Бретон, на Дезамет в понеделник.

Седумнаесет земји-членки на ЕУ и Норвешка оваа недела се договорија заеднички да набават муниција за да и помогнат на Украина и да ги надополнат сопствените резерви, соопшти Европската одбранбена агенција.

Дезамет, кој произведува муниција за артилерија, минофрлачи и гранатофрлачи, е една од 50-те компании за оружје во групата ПГЗ.

„Таа фабрика може да смета на нови нарачки и средства, ќе започнеме нови производни линии во оваа компанија и во други за производство на муниција“, изјави Моравјецки за полското радио RMF на прашањето од новинарите за посетата на Бретон на фабриката.

„Сакаме повеќекратно да го зголемиме производството што е можно побрзо“, додаде тој.

Моравјецки рече дека очекува и приватните компании во Полска да го зголемат производството на муниција.

ПГЗ има намера да го зголеми бројот на вработени за неколку илјади луѓе, изјави вчера шефот Себастијан Чвалек. Групата моментално вработува околу 20.000 луѓе.

ПОВРЗАНИ ВЕСТИ

(Документи+Видео) Ова се доказите за соработката помеѓу…

Maкедонската јавнос е во шок по деталите…

Добри вести од соседството, пронајдена e Сара!…

Пронајдена е Сара П.(17) од Борча која…

Koнечно искрен политичар: Не верувајте на сѐ…

Не верувајте во сѐ што ви кажуваме.…

Не за џабе ја нарекуваат Белата Палата:…

Истакнат член на партијата и близок човек…

(Видео) ПЕРО АНТИЌ „МУ ГО ЧУВА ГРБОТ“…

Поранешниот прославен македонски кошаркар и актуелен претседател…