Американски конгресмен иницраше резолуција: Црвени линии за распоредување на американска војска во Украина

Конгресменот од Илиноис, Адам Кинзингер во неделата објави дека иницирал резолуција со која се одобрува употреба воена сила доколку Русија употреби „хемиско, биолошко и/или нуклеарно оружје“ во Украина.

Кинзингер – републиканец кој се усогласува со демократите за повеќето прашања – континуирано се залага за вклучување на САД во тековниот конфликт, а претходно ги поддржуваше мерките за кои критичарите на претседателот Бајден рекоа дека ќе доведат до „трета светска војна“.

Во моментов не е јасно дали и кога резолуцијата на Кинзингер ќе биде донесена на гласање. Самиот Бајден изјави дека САД „ќе одговорат“ на каква било употреба на оружје за масовно уништување од страна на руските сили во Украина, но избегна да повлече какви било обврзувачки „црвени линии“.

Share on Facebook

Tweet

Follow us

Save