Белорусија воведе нови сaнкции за Македонија
![t](https://infomax.mk/wp-content/uploads/2021/05/lukasenko-1.jpg)
Белорусија ја вклучи Македонија на списокот на земји кои подлежат на ембарго за храна, што Минск го воведе како одговор на западните санкции. Документот е објавен на правниот портал на Белорусија.
Владата ја донесе одлуката со цел да обезбеди заштита на националните интереси на Белорусија.
За потсетување, Белорусија на 1 јануари годинава воведе ембарго за увоз на широк спектар на прехранбени производи од земји кои водат непријателска политика кон неа.
Согласно владината уредба „За примена на посебни мерки за одредени видови стоки“ донесена во декември 2021 година, забраната за увоз се однесува на голем број производи од ЕУ, САД, Канада, Норвешка, Албанија, Исланд, Македонија, Обединети Кралство, Црна Гора, Швајцарија.
На списокот на храна чиј увоз е забранет се месни производи, кондиторски производи, млеко и млечни производи, јаткасти плодови, овошје, зеленчук, живи свињи, животински масти, кондиторски производи и друго. Ембаргото нема да важи за храна за бебиња и други производи. Одредбите важат шест месеци. Во случај на натамошна негативна динамика на врската, листата на забранети производи може да се дополни, се наведува во соопштението.
Кон петтиот пакет санкции на Европската унија против Белорусија, кон крајот на декември минатата година се приклучија и Македонија, Црна Гора, Србија, Албанија, како и Исланд, Лихтенштајн и Норвешка, што е директна причина за ваквата реципрочна мерка.
ПОВРЗАНИ ВЕСТИ
Полска започна операција на границата со Белорусија
Полска ја започна операцијата „Безбедна подласие“ на…
Лукашенко слави 30 години како претседател на…
Рускиот претседател Владимир Путин денеска му ја…
Активни се пожарите во Чашка, Велес, на…
РЦУК Велес, известува дека шумски пожар на…
Изгубено 3-годишно девојче во Неа Флогита, се…
Во познатото туристичко место Неа Флогита, Грција…
(Видео) Претседателката ќе чека новата влада да…
Сиљановска ќе почека да се формира новата…