Британскиот премиер на чекор пред гласање на недоверба
![t](https://infomax.mk/wp-content/uploads/2022/01/britanski-parlament.jpg)
По скандалозното откритие дека британскиот премиер Борис Џонсон, во време кога целата земја беше заклучена поради жестокото ширење на коронавирусот, се забавувал на Даунинг стрит, неговата популарност опадна и кај британските граѓани и кај неговите сопартијци.
Тоа најверојатно ќе резултира со колапс на неговата кариера, бидејќи повеќе од 20 ториевци најавиле доставување писмо со барање за гласање недоверба.
Доколку има уште 34, ќе биде исполнет условот за иницирање гласање недоверба на премиерот. Според партиските правила, гласањето недоверба се иницира доколку тоа формално го побараат 15 отсто од конзервативните пратеници, во случајов 54 од нив.
Доколку се гласа, се организира тајно гласање на пратениците. Доколку Борис Џонсон добие поддршка од најмалку половина од парламентарната партија, која во овој случај би била 180 пратеници, тој би останал на функцијата, а ново гласање недоверба не би можело да се започне следната година.
Тереза Меј го преживеа гласањето за недоверба
Ова не е прв пат во британската историја некој висок функционер да се најде во ваква ситуација. Претходникот на Џонсон, Тереза Меј, го преживеа гласањето за недоверба во декември 2018 година и официјално беше заштитена од предизвик во следните 12 месеци. Таа на крајот доброволно поднесе оставка во јуни 2019 година, пренесува Гардијан.
Се шпекулираше дека Меј била предупредена дека ќе се соочи со ново гласање недоверба доколку не си замине и дека едноставно попуштила под притисок.
Џонсон би можел да го стори истото. Тој може да го спречи гласањето и да се повлече пред да започне новото.
Секако, постои и друга опција – Џонсон да ја сврти ситуацијата во своја полза. Ториевците би можеле да го направат тоа со најава за воведување нови, олабавени мерки против коронавирусот, како и со барање да се чека извештај за сите службеници кои ги прекршиле мерките за изолација пред да се донесе каква било пресуда.
Џонсон призна дека тој и неговата сопруга Кери се придружиле на собир одржан во градината Даунинг стрит на 20 мај 2020 година, наведувајќи дека останал околу 25 минути за да се заблагодари на настанот.
Во тоа време Британците беа во карантин, па во тоа време на едно лице му беше дозволено да се сретне со лице од друго домаќинство, но под услов да држат растојание од два метри, според „Скај њуз“, оценувајќи дека ова се докази кои ги кршат правилата во срцето на Владата “.
Нешто подоцна, министерот за образование Надим Захаву изјави дека премиерот жали за неговото присуство на забавата и го разбира револтот на јавноста.
Освен тоа, познато е дека ноќта пред погребот на принцот Филип биле одржани две забави на Даунинг стрит.
ПОВРЗАНИ ВЕСТИ
Британец и неговата сопруга пpетеpале мигрант со…
Брачниот пар е обвинет за расистички напад…
ПРОЕКТИЛ ПОГОДИ БРОД НА БРИТАНСКАТА МОРНАРИЦА!
Британската кралска морнарица во неделата соопшти дека…
Британија размислува за испраќање војници во Украина?
Британската војска прави планови за непредвидени распоредувања…
Во Британија издадоа предупредување за многу заразна…
Здравствените експерти во Британија издадоа предупредување за…
Истражување: Милиони Британци овој Божиќ ќе мора…
Домаќинствата ќе бидат принудени да ги намалат…