Британското разузнавање: Русија се приближува кон втората по големина електрана во Украина

Руските сили најверојатно ќе се приближат до втората по големина електрана во Украина во Вулехирски, 50 километри североисточно од Доњецк, соопшти во четвртокот британското воено разузнавање. „Русија има приоритет за запленување на клучната национална инфраструктура, како што се електрани“, објави британското Министерство за одбрана во својот редовен билтен.

Министерството, исто така, додаде дека Русија најверојатно се обидува да направи пробив во близина на Вулехирск, како дел од напорите за враќање на импулсот во напредувањето кон клучните градови Краматорск и Славјанск. Речиси пет месеци откако претседателот Владимир Путин нареди инвазија на рускиот сосед, руските сили макотрпно ја освојуваат областа Донбас во источна Украина и заземаа околу една петтина од земјата.

Украинските вооружени сили објавија дека вчера убиле 111 руски војници на југ и на исток. Руската администрација во делумно окупираниот украински регион Запорожје објави дека Украина извршила напад со дрон врз тамошната нуклеарна централа, но дека реакторот не е оштетен.

Повеќе експлозии се слушнале и во јужниот дел на Херсонската област под руска контрола во текот на ноќта и во четвртокот, пренесе руската новинска агенција ТАСС. Украинската војска објави силно руско гранатирање по, како што рекоа, главно неуспешните обиди на руските копнени сили да напредуваат.

Украинските сили во претходните 24 часа соопштија дека уништиле 17 возила, некои од нив и оклопни и дека убиле повеќе од 100 руски војници. Во објава на Фејсбук, украинската војска соопшти дека не гледа знаци дека Русите создаваат специјални ударни групи за да започнат нова офанзива.

Руската инвазија уби илјадници луѓе, милиони раселени и израмни градови, особено во рускојазичните области на источна и југоисточна Украина.

Share on Facebook

Tweet

Follow us

Save