Објавено на:

Вардар се врати во Првата македонска фудбалска лига

t

Најтрофејниот македонски фудбалски клуб, Вардар, се врати во прволигашката конкуренција откако го совлада градскиот ривал Скопје со 3:0 (1:0) во баражот за место во Првата македонска лига (ПМФЛ).

Фудбалерите на Вардар влегоа силно мотивирани во натпреварот што се одигра на неутрален терен во Кавадарци, и дојдоа во водство веќе во 4. минута со голот на Дарко Размоски.

Црвено-црните во продолжението на првиот дел пропуштија уште неколку изгледни шанси за гол, а задачата на Скопје да се врати од резултатската негатива дополнително го отежна исклучувањето на Миле Тодоров во 35. минута. Фудбалерот на Скопје доби директен црвен картон откако врати на трибината факел што претходно на теренот го фрлија навивачите на Вардар.

Предноста на Вардар ја удвои двојниот стрелец Размоски (49 минута), а десет минути подоцна капитенот Дарко Глишиќ биеше прецизно за конечни 3-0 и десеткратниот македонски шампион по две сезони во второлигашката конкуренција се врати во ПМФЛ.

Претходно нови прволигаши станаа Воска и Гостивар, а во Втората лига се пресели прилепска Победа.

Шампионската титула, прва во клупската историја, ја освои Струга, трофејот во Купот го одбрани Македонија Ѓорче Петров, а настап во европските купови изборија и Шкупи и Шкендија.

ЛИНК од видеото

ПОВРЗАНИ ВЕСТИ

Човечко тело извлечено од вода на вливот…

ЦУК: Човечко тело е извлечено од надојдената…

(Фото) Еднаш вардарец, засекогаш вардарец: Нов гест…

Фудбалерите на Вардар в недела ги очекува…

Во Вардар во Велес најдено тело на…

Во реката Вардар во близина на место…

Град Скопје започна со реконструкција на пешачкиот…

Градот Скопје започна со реконструкција на пешачкиот…

Како „Балистите“ го гаѓаа голманот на Вардар…

Не стивнуваат реакции од мечот Шкендија-Вардар. Во…