(Видео) Британскиот премиер најави строги законски мерки за екстремно десничарското насилство

Откако денеска екстремно десничарска толпа упадна во хотел со баратели на азил во градот Ротерам, британскиот премиер Кир Стармер го осуди насилството.

Говорејќи пред новинарите во Даунинг стрит, премиерот рече дека инволвираните ќе ја почувствуваат целосната сила на законот.

– Ви ветувам, ќе зажалите што учествувате во ова. Нема оправдување за ова – изјави Стармер.

Тој рече дека луѓето во Обениетото Кралство имаат право да бидат безбедни, но сепак виделе напади врз муслиманските заедници и нацистички поздрави на улица.

– Нема да избегнувам да го наречам како што е, екстремно десничарски силеџии – рече Стармер и вети дека ќе направи се што е потребно за да ги изведат тие насилници пред лицето на правдата.

Тој рече дека ќе има апсења, обвиненија и пресуди, без разлика на причината или мотивацијата.

– Ова не е протест, тоа е организиран, насилен грабеж и нема место ниту на нашите улици, ниту на интернет – рече тој.

Тој особено го осуди нападот попладнево врз хотелот во кој се сместени барателите на азил во Ротерам.

Стармер ја опиша толпата во Ротерам како банда разбојници кои намерно го прекршиле законот и ништо друго, и рече дека ги оставиле жителите во страв.

– Знам колку мора да е страшно. Ако ги напаѓате луѓето поради бојата на нивната кожа или нивната религија, тоа е крајна десница и јас сум подготвен да го кажам тоа. Нашата полиција ја заслужува нашата поддршка бидејќи се справува со насилното неред што се шири – рече Стармер и рече дека насилната толпа не ја претставува нивната земја.

Премиерот рече дека одржал состаноци во текот на викендот за да се обезбеди потребната поддршка.

Share on Facebook

Tweet

Follow us

Save