(Видео) Невремето ги поплави и Вила Водно, МВР, ОЈО ГОКК…

Силното невреме што вчера попладне го зафати Скопје, освен што собори повеќе дрва и семафори, оштети возила и покриви на згради, зад себе остави штети и на витални објекти во главниот град.

Според информациите на Министерството за внатрешни работи, меѓу оштетените објекти се претседателскиот комплекс Вила Водно, објектите на Основното јавно обвинителство за гонење организиран криминал и корупција (ОЈО ГОКК), аеродромската полициска база Петровец, објектот „Нова Македонија“, како и објектите на Министерството за финансии, Министерството за земјоделство и Јавното обвинителство.

Додаваат дека во невремето се регистрирани значителни последици и на скопскиот аеродром, каде што поради поради протекување на кровот, излезот од државата беше во прекин околу час и половина.

„Невремето предизвика најголеми последици на подрачјето на СВР Скопје, каде што до 22:00 часот се евидентирани 117 оштетени патнички моторни возила, 35 оштетени покриви, 189 паднати дрва, 7 семафори, 5 пожари и 10 повредени лица. Се преземаат мерки за обезбедување на безбедноста на граѓаните, расчистување на последиците и непречено одвивање на сообраќајот и другите јавни функции“, информираа синоќа од МВР, додавајќи дека се постапува по сите пријави поврзани со последиците од невремето.

Share on Facebook

Tweet

Follow us

Save